خسيتي انت ومثلك .. خسيتـي والغلـط ينعـاب
خسيتي واقلبي وجهـك.. ولا كلمـه؛ ولااجابـه
خسيتي والزمي حدك.. تراهـا ضاعـت الاداب
انا لاطاشت جنونـي.. يعـرف الجاهـل ادابـه
وش المغزا من الكلمه بلا داعـي بلا اسبـاب
وهرج الكذب والتجريح .. قوليلي وش هي اسبابه
انا غلطتي اني فتحت لخافقـي كـم بـاب
ولكن مثل ماجيتي .. تـرا كبـر الجمـل بابـه
خذي نفسك معك برا .. ثم اذهبي بـدون إيـاب
فمان الله ؛ والا اقول .. فمان ابليس واصحابـه
تحسبيني على فرقاك بنـدم واغـرق الاهـداب
انا مبسوط يوم اني .. طردت الشـؤم وغرابـه
انا ما اعاشر الخاين ولا اسمع هرجـة الكـذاب
ومثلك قيمتـه عنـدي تحـت الزيـرو حسابـه
وانا ماني بحرف الجر .. تجرينه على الاعراب
انا حرف جزم نفسه.. ومثلي يصعب اعرابه
تشوم النفس عن زينك بعد ماطاح فيها ذبـاب
وانا حر ولد حر .. تركـت الزيـن وذبابـه
انا شيخ ولد شيخ ؛ بذكره تنعـم الانسـاب
واذا قام العرب كلن .. يراجع دفتـر انسابـه
متعود على الطيبه من يومي صغيـر وشـاب
اجل وش رايك بطفـلن دلال القهـوه العابـه
ترى بدري على مثلك تعيب وساسهـا معيـاب
ياليت اللي يعيبنـي .. يحـاول يستـر ثيابـه
انا لاجتني الزلـه مـن الجاهـل وهـو كـذاب
تركت القافله تمشـي .. وراهـا تنبـح كلابـه
خلاص اليوم يا فلانه ؛ كرهتك والقلوب اغـراب
وترى كل طير بكبد السما يشبع بمخلابـه
خساره مثلك بقلبـي تضمـه غرفـة الاحبـاب
وخساره غلطة العاشـق ؛ يحطـك اول احبابـه
بعد هذا تريد ارجع لاجل عينك نصير اصحـاب
خسيتي واقلبي وجهك ؛ ولا كلمـه ؛ ولااجابـه
مع تحيات .. شاعر المليون
صـــــــــــ صلاحات ـــــــــالح
الأربعاء مارس 17, 2010 1:15 am من طرف devizzz
موضوع: قصيدة جااامدة جدااااا ... الله يعين الصبايا .. !! 
